Father's Day Card

Poetry by | August 4, 2013

Alas onse sa gabii;
wala na si papa,
trabahuon na nako ning
card para sa iyaha.
Unta tungod ani
mu undang na siya’g uli’g sayo
sa buntag – gikan ila nang Bitka –
na dili humot batong,
ashtray, ug tuba;
kabalo gud si mama gud.
(pero pangga man na siya ni papa ba)
Unta pud maundangan
ang iyang pag hapak-
bakos,
dos por dos,
tsinelas, tubo,
kumo- sa akua
masking kabalo ko nga
mga panudlo to ni papa mao ing ana.
Ana ang mga silingan na
biyaan
na lagi daw si papa.
Pero dili mi oy!
Mu bag-o lagi siya…
wala lang puhon niya nabasa’g tarong
tung mga card nako sa una…
Oy! Pero nabasa to niya!
Siguro…


Alfredo Carlos P. Montecillo is a 4th year irregular student of Ateneo de Davao University.

One thought on “Father's Day Card”

Leave a Reply

Your email address will not be published. Required fields are marked *