Lotto

Play by | November 11, 2012

(Base sa “The Lottery” ni Anton Chekhov)

Ang mag-asawa naa sa lamesa, nagameryenda. Si mister nagabasa ug dyaryo.

Dodong

Sus, tanawi ni o. Makipag-away daw ang Pilipinas sa China tungod sa Spratleys, maayo ra ba kung naa gyud tay laban.

Inday

Ay ambot lagi niana uy. Kanang China tanan na lang ginaangkon.

Dodong

Mao. (mobalik ug basa)

Inday

Ay Dong, tanawi daw ang numero sa iswipsteyks karon. Gitaya nako birthday ni Lalang, basig diay suwerte.

Dodong

Sus tuo ka ana uy. Nagasayang sayang lang kag kwarta sige’g taya. (pangitaon sa dyaryo ang resulta sa swipsteyks) Naa diri. Unsa man imong numero?

Inday

Bertday lagi ni Lalang, Dong. Nakalimot na ka sa bertday ni Lalang?

Dodong

Wala, oy! Setyembre 10 man to, di ba?

Inday

Mao lagi na ron. Daghan man gud kaayo kag anak ba! Si Boy tong Setyembre 10. Si Lalang Disyembre 18.

Dodong

Unsang ako ang daghan ug anak. Mga anak pud na nimo no! Disyembre 18… 12… 18…

Inday

Hay sus dugaya ba ani oy—

Dodong

(mukalit sara sa dyaryo niya gunitan si Inday) Day! 12 18 ang unang duha ka numero!

Inday

Ha! Tinuod ka? Dali, patanaw ko patanaw ko!

Dodong

Tuo lagi sa akoa! Unya na tanawi!

Inday

Hala ka Dong, uy! Dako na baya ang premyo ana karon. 100 milyon naman ata to. Sus Ginoo, unsaon man nato nang 100 milyon, uy!

Dodong

Unsaon pa man, ipalit ug balay niya sakyanan!

Inday

Tama dyud na! Didto ta sa asa gani to, sa Monterich! Mao ba to?

Dodong

Dili oy, del Monteritz to oy! Sagad ka, ra! Mupalit tag lote ug balay didto, niya mupalit tag, unsa gani to, kadtong, gwapo na sakyanan, Hammer! Para dagko ba!

Inday

Siguraduhi ra na dako imong garahe para masakto na!

Dodong

Ay wala na nay problema; dagko gyud atong balay! Ipifth floor pa nato!

Inday

Pifth ka karon dira. Fifth! Sus dapat musulod diay kag Inglish School Dong para istoryang datu pud ba! Basig sawayon ta na Bisdak. Murag si Dyunisia ba!

Dodong

Tama bitaw no. Sige sige, mukuha pud tag ing-ana. Niya ibalhin na pud nato ang mga bata sa Atineo!

Inday

Tama! Sus kawswerte ba ni Junior, siya dyud ang dili makaagi ug public school da! Ang malas si Bry-bry, college na lang wala gihapon katungtong ug Atineo!

Dodong

Bahala na uy, hatagan bitaw nato siyag kwarta pangkapital niya sa iyang negosyo!

Inday

Mao pud. Niya Dong! Maka-honeymoon na dyud ta sa gawas sa Pilipinas!

Dodong

Hay sus Ginoo! Muadto gyud tag Europe Day, muadto tag Eipel Tower niya sakaun nato to! Niya magswimming ta didto sa asa gani to, sa Niagara Pols!

Inday

Makaswimming ba diay ka didto? Dili ka malumos didto?

Dodong

Dili uy! Mura ra na siyag slide slide, ayaw kabalaka.

Inday

Huy Dong, lamia siguro nianang kinabuhi no! Niya hapit na nato na mabuhat! Tanawi na ang duha ka numero, dali!

Dodong

Kadali lang kadali lang! Unsa imong ulahing numero?

Inday

Kadto lagging kanusa gipanganak si Lalang! 94 ang last Dong!

Dodong

9—Nyawa ra. 94? 95 ang naa diri day! 95! Piskot, sayanga ato oy!

Inday

Ha?! Pagsure bitaw oy! (mutanaw sa dyaryo) Ay yawa! Nganong sa 1994 man gud gipanganak si Lalang?!

Lalang

(gikan sa gawas)

Ma, 95 gud ko.

Inday

Ayaw’g pamakak dira mabunalan gani tika!

Lalang

Wala ko namakak ma, 95 lagi ko. 17 pa baya ko karon.

Dodong

Piskot! Ikaw, bertday sa imong anak wala ka katigo?

Inday

Hoy ikaw man gani abi nimo bertday ni Boy ang bertday ni Lalang!

Dodong

Unya ako nagpatad sa lotto, ako, ako?

Inday

Kung ikaw nagpatad, wala gihapon ta’y pag-asa no?!

Dodong

Ay ambot nimo oy. Maginom sa mi sa’kong mga amigo!

Inday

Hala sige hawa diri!


Si Emiko usa ka estudyante sa Ateneo de Davao University sa kurso nga AB English.

Leave a Reply

Your email address will not be published. Required fields are marked *