Katong Nagbinahinay ta sa Saging

Poetry by | February 15, 2009

gibaligya ang among saging
sa Tokyo ug gitagaan
ug daghang bulig ang Manila
gipanitan, gihiwa-hiwa
gibahin-bahin nila
bisan sa panit
wa mi naangkon
apan tua mi nabilin
sa aping sa kutsilyo
isip usa ka lagom
nga salin
katong gihiwa
ninyo ang among yuta
ug ang among mga
sugilanon tua mi nabilin
sa aping sa lagaraw,
nagkadugo
nagkadugo pag-apil ang among
yuta.


Errol A. Merquita is an NGO worker based in Tagum. He keeps writing and writing to improve his craft. He is a fellow to various writing workshops.

5 thoughts on “Katong Nagbinahinay ta sa Saging”

  1. ganahan ko ani.
    nindut ang stayl sa pagkasulat: nindut ang rhythm, ma-relate nko sya sa staccato sa piano. mura’g light ra gyud sya ba.
    apan bug-at ang mensahe.
    ganahan ko.

  2. ang saging!!!
    bow!!!
    ang saging didto sa sampao
    sa baboy gnahimo’g lamaw
    sa palibot saging permi malantaw…

    naga seminar jpon k permi dri dvo ya?

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.