Lapis

Poetry by | June 8, 2008

kung ako
mabuhi pag-usab
pilion nako
ang kinabuhi
sa lapis:

kay kung naa may kapakyasan,
mapapas ra kini.

kay kung mahabol man ang akong paglantaw,
mahait ra kini.

kay kung maglisud man ko’g duyog sa kapit-us,
naa gihapoy mogunit sa akong agi.

kung maupos man ko, apan dili sama sa usa ka kandila
dili ko mamatay.

kung ang kandila mawad-an ug kahayag,
ang akong kahayag mabilin
sa papel nga puno ug balak
nga mudugay pa sa pipila
ka panuigon.

Leave a Reply

Your email address will not be published. Required fields are marked *